Sveitarstjórn Sveitarfélagsins Skagafjarðar hefur samþykkt samhljóða að hætta við gjaldskrárhækkanir fyrir árið 2014 sem ella hefðu bitnað helst á börnum, barnafólki og eldri borgurum. Er þetta gert í ljósi viðsnúnings og jákvæðrar þróunar í rekstri sveitarfélagsins Segir í yfirlýsimgu að á kjörtímabilinu hafi verið ráðist í viðamiklar hagræðingaaðgerðir hjá sveitarfélaginu með samstilltu átaki sveitarstjórnar, starfsfólks sveitarfélagsins og íbúum þess. „Meirihluti framsóknar og vinstri grænna í sveitarstjórn Sveitarfélagsins Skagafjarðar telur að með þessum aðgerðum sé sveitarstjórn að leggja sitt lóð á vogarskálarnar til að stuðla að stöðugleika, halda aftur af verðbólgu á komandi ári og að kaupmáttur íbúana aukist í raun.
Með samþykkt tillögunnar verða gjöld og álögur á fjölskyldufólk og eldri borgara áfram með því lægsta sem gerist á landsvísu. Markmiðið er að tryggja að Skagafjörður sé og verði í fremstu röð sem ákjósanlegur búsetukostur.“
-BÞ
