Akureyri Backpackers að lífga upp á menningarlíf bæjarins með lifandi tónlist á miðvikudögum fram að jólum. Annað kvöld, miðvikudaginn 23. október er komið að Þorsteini Kára.
Þorsteinn hefur spilað á ýmis hljóðfæri með ýmsum neðanjarðarhljómsveitum í 9 ár. Ber þar helst að nefna Buxnaskjóna, Brák og Endrum. Undanfarin tvö ár hefur Þorsteinn unnið að plötunni Ævikvöld, sem mun innihalda frumsamið efni og rólega popp-indí tónlist á íslensku. Auk Þorsteins, sem spilar ýmist á gítar eða banjó, koma fram Ingi Jóhann Friðjónsson og Jón Haukur Unnarsson.
Tónleikarnir hefjast kl. 20:30 og er aðgangur ókeypis á alla viðburði á Akureyri Backpackers.
Hér má sjá myndband frá tónleikum Þorsteins Kára í Populus tremula í september sl.
