Fimmtudagskvöldið 11. júlí kl. 22-23 Miðvikudagskvöldið 10. júlí kl. 22-23 verður sérstakur viðburður í sundlauginni á Þelamörk en það er jógakennarinn Arnbjörg Kristín Konráðsdóttir sem býður upp á hugleiðslu og gongslökun.
„Fólk slakar á í sérstökum flotbúnaði og ég spila á gong á meðan, sem er einstaklega endurnærandi og gott fyrir líkamann, þar á meðal taugakerfið og kyrrir einnig hugann. Í lokin gerum við stutta hugleiðslu í heitu pottunum,“ segir Arnbjörg.
„Ég hef notað gongið í lok jógakennslu í vatni í Reykjavík við mikla lukku en einnig hef ég haft gongslökun í sundlauginni á Laugalandi á Suðurlandi, við Djúpalón á Snæfellsnesi, í Heiðmörk og nú í lok júní spilaði ég í Viðey fyrir um 50 manns á öllum aldri í kjölfar fjölskyldujógatíma. Þar á meðal var lítil 5 ára stelpa sem gat ekki beðið eftir að steinsofna við hljómana“.
„Í jóga er leitast við að öðlast jafnvægi og innri frið,“ segir Arnbjörg og segir gongtónana hjálpa til við að slaka ennþá betur á. „Tónarnir fara um líkamann, hafa góð áhrif á líkamskerfin og sér í lagi taugakerfið. Það er sagt losa spennu úr taugakerfi og byggja það upp, hafi það verið undir miklu álagi í lengri tíma,“ segir Arnbjörg og bætir því við að tónarnir hreinsi hugan og samkvæmt jógískum fræðurm nái líkami og sál að tengjast betur þegar hugurinn er kyrr. „Það er þá sem við upplifum vellíðan og einingu hið innra“.
Gongslökunin hefst kl. 22 á fimmtudagskvöld og aðgangseyrir er 1700 kr. og skráning á akk@graenilotusinn.is
