Á Facebooksíðu lögreglunnar á Akureyri, Dalvík og Fjallabyggð kemur fram að í dag hafi slys sem átti sér stað við brúna á Leiruvegi átt rætur sínar að rekja til fíkniefnaneyslu. „Annað slysið með sambærilegum hætti á svipuðum stað. Voru ekki einhverjir að tala um að lögleiða fíkniefni?“ segir á síðunni.
Í sömu færslu er þess getið að sú helgi sem nú gengur í garð og er ein mesta ferðahelgi ársins og von á fjölmörgum gestum til Akureyrar m.a. vegna Pollamótsins, hafi þó hingað til verið með rólegri helgum hvað lögregluna snertir. „Hvenær ætli Bíladagar geti orðið þannig?“ spyr lögreglan á Akureyri
