Velferðarráðuneytið í samstarfi við Jafnréttisráð og Jafnréttisstofu boðar til fundar um samræmingu fjölskyldu- og atvinnulífs á Hótel KEA föstudaginn 12. apríl 2013 klukkan 13:00 – 16:00.
Á fundinum verður fjallað um það hvernig fyrirtæki, stofnanir og sveitarfélög geta unnið með samræmingu fjölskyldu- og atvinnulífs og stuðlað að fjölskylduvænni vinnustað og eða samfélagi. Kynntar verða fyrstu niðurstöður rannsóknar á því hvernig þátttakendum á vinnumarkaði finnst þeim takast að samræma fjölskyldu- og atvinnulíf.
Til fundarins er boðið aðilum vinnumarkaðarins, starfsmannastjórum og yfirmönnum fyrirtækja, stofnana og sveitarfélaga svo og öðrum sem hafa áhuga á efninu. Skráning fer fram á heimasíðu Velferðarráðuneytis www.vel.is/skraning
Fundurinn er skipulagður af vinnuhópi um samræmingu fjölskyldu- og atvinnulífs sem Velferðarráðuneytið skipaði í samstarfi við Jafnréttisráð og Jafnréttisstofu. Auk þess að standa að fundinum er hlutverk vinnuhópsins m.a. að afla upplýsinga um það hvernig virkum þátttakendum á innlendum vinnumarkaði þykir þeim takast að samhæfa fjölskyldu- og atvinnulíf. Einnig skal vinnuhópurinn annast fræðslu til atvinnurekenda og virkra þátttakenda á vinnumarkaði, m.a. með útgáfu bæklinga og upplýsinga á vefsíðu um leiðir til að auðvelda samræmingu fjölskyldu- og atvinnulífs. Í vinnuhópnum sitja fulltrúar frá Alþýðusambandi Ísland, Samtökum atvinnulífsins, Bandalagi starfsmanna ríkis og bæja, Bandalagi Háskólamanna, Kvenréttindafélagi Íslands, Kvenfélagasambandi Íslands og Femínistafélagi Íslands.
Samskonar fundur var haldinn í Reykjavík þann 20. nóvember s.l. og má nálgast upptökur frá þeim fundi hér
